Մայիսի 14-19-ը կրթահամալիրում կազմակերպվեց ՀՀ ԿԳՆ պատվերով, հեղինակային կրթական ծրագրի 2017-2018 ուսումնական տարվա օրացույցով որոշված հեղինակային կրթական ծրագրի հեղինակների ամենամյա 13-րդ մայիսյան հավաքը։ Հավաքին ամփոփվեցին-ներկայացվեցին կրթահամալիրում 2017-2018 ուսումնական տարում իրականացված ուսումնական նախագծեր, քննարկվեցին հեղինակային կրթական ծրագրով դպրոց-պարտեզների ցանցի ստեղծման հունիսյան աշխատանքները, 2018-2019 ուսումնական տարվա բովանդակային-կազմակերպական առաջարկությունները, որոնք մայիսի 22-ին ներկայացվում են կրթահամալիրի կառավարման խորհրդին։

Հավաքին մասնակցեցին հեղինակային կրթական ծրագրով դպրոց-պարտեզների ցանցով հետաքրքրված մանկավարժական աշխատողներ ՀՀ Արագածոտնի մարզից, Շիրակից, Գյումրիից, Գեղարքունիքից, Կոտայքից, Սյունիքից, Երևանից, նրանց համար կազմակերպվեցին վերապատրաստման դասընթացներ՝ տեխնոլոգիայի, երաժշտության, նախադպրոցական կրթության։ Հավաքի ծրագրով իրականացվող ուսումնական նախագծեր իրականացվեցին Աշտարակի, Արտաշատի, Երևանի մանկապարտեզներում, կրթահամալիրում իրականացվող նախագծերին մասնակցեցին հանրապետության ուսումնական հաստատությունների աշխատողների-սովորողների խմբերը, հանրային գործիչներ, ոլորտի մասնագետներ։ Հավաքին «Հայ-վրացական հանրակրթական կամուրջներ» նախագծով մասնակցեց, կրթահամալիրում հյուրընկալվեց Վրաստանի Թբիլիսիի, Բոլնիսի միացյալ 25 հոգիանոց խումբը. նախագծի արդյունքում պատրաստվեց հայ-վրացական հանրակրթական գործընկերության նոր հուշագիր, որը կստորագրվի 2018թ. հունիսին Բոլնիսում։

Հավաքի նյութերին, լուսաբանմանը կարող եք ծանոթանալ mskh.am-ում, հավաքի, մասնակիցների բլոգներում, մանկավարժական «Դպիր» ամսագրում, մեդիագրադարանում։

Ցուցանիշներ

18.05.2018 by tvmskh

Համբարձման ցուցադրություն Մայր դպրոցում

18.05.2018 by tvmskh

«Բրոյի-բրոյի». հայ-վրացական տոն Մարմարյա սրահում